Tabharfaidh sé seo go dtí an leathanach áirithintí tú. Roghnaigh ansin an cúrsa ar mian leat go bhfreastalóidh do pháiste air. Iarrfar ort éarlais de €300 a íoc do chúrsa samhraidh nó na táillí iomlána do chúrsa i mí Feabhra.
Nuair atá cúrsa á roghnú, bí cinnte go roghnaítear an inscne cheart agus, i gcás na gcúrsaí i mí Meithimh, an grúpa scoilbhliana ceart. Seo toisc go bhfuil teorann leis an méid buachaillí agus leis an méid cailíní ar féidir a thógáil ar aon chúrsa agus tá an t-uasmhéid scoláirí in aon rang srianta chomh maith.
Ní ghlacaimid le scoláirí nach bhfuil rang a 6 sa bhunscoil críochnaithe acu.
Tar éis duit an éarlais (nó na táillí iomlána i gcás cúrsa i mí Feabhra) a íoc, gheobhaidh tú ríomhphost uainn ag deimhniú seo.
Ní bheidh iarratas do pháiste críochnaithe go dtí go líonfar an fhoirm seo.
Gheobhaidh tú ríomhphost uainn i mí Márta le treoracha conas iarratas a dhéanamh go bhfanfaidh cairde le chéile sa teach lóistín céanna. Níl aon ghá dul i dteangmháil linn maidir leis seo go dtí sin. Cuirtear triúr cairde ar a mhéad ar iostas lena chéile in aon teach lóistín.
Nuair a bhíonn cúrsa ar siúl i níos mó ná ionad amháin (.i. Cúrsaí A1 agus A2), cuirfear scoláirí ón mbliain chéanna sa scoil chéanna san ionad céanna.
Beidh tuismitheoirí in ann áiteanna bus a chur in áirithe sé seachtainí sula dtosnaíonn an cúrsa. Gheobhaidh tú ríomhphost uainn faoi ag an am sin.
Is féidir fuílleach na dtáillí a íoc in aon íocaíocht amháin nó i ndá ghala. Gheobhaidh tú nasc íocaíochta don chéad ghala 14 seachtain sula dtosnaíonn an cúrsa agus don cheann deireanach 6 seachtainí sula dtosnaíonn sé.
Más mian leat an fuílleach a íoc in aon íocaíocht amháin, is féidir neamhaird a dhéanamh ar an gcéad nasc íocaíochta. Cuimseoidh an nasc íocaíochta deireanach na táillí ar fad a bheidh fós le híoc.
Ní mór díol as na táillí ar fad ar a laghad mí amháin sula dtosnaíonn an cúrsa.
Bainfear scoláireachtaí agus lascainí do scoláirí atá ag filleadh agus do shiblíní, etc, d’fhuílleach na dtáillí sula mbeidh sé dlite.
Má tá cúrsa lán, ní bheidh rogha ar an leathanach áirithintí íoc as éarlais don chúrsa sin. Seo thíos liosta de na folúntais ar chúrsaí:-
Cúrsa A1 (31 Bealtaine – 14 Meitheamh): Cailíní Bliain 1 agus a 2 and Cailíní agus Buachaillí Bl. 4 agus Bl. 5
Cúrsa A2 (14-28 June): Gach bliain
Cúrsa B: Buachaillí agus Cailíní
Cúrsa D: Buachaillí agus Cailíní
Cúrsa E: Cailíní amháin
Cúrsa F: Buachaillí agus Cailíní
D’fhéadfadh sé tarlú ó am go chéile go mbíonn áit ar fáil ar chúrsa atá lán, mar shampla, mar tharraingíonn scoláire siar ó chúrsa. Tairgtear na háiteanna sin don chéad scoláire eile ar an liosta feithimh don chúrsa sin. Más maith leat do pháiste a chlárú don liosta feithimh, is féidir leat cliceáil ar an nasc thíos.
Níl ach méid áirithe áiteanna ar fáil ar aon chúrsa do bhuachaillí agus do chailíní agus do scoláirí ó scoilbhlianta éagsúla. Toisc é seo, ní féidir áit do chailín i mbliain a 5, mar shampla, a líonadh ach le cailín i mbliain a 5.
Níl aon gheallúint ann go bhfaighidh aon duine ar an liosta feithimh áit ar chúrsa.